මිනිත්තු එකොළහේ කතාව- Eleven Minutes by Paulo Coelho


ජීවිතය යම්තම් හඳුනාගත් දා සිට, තරුණ විය බොහෝ කටුක දෑ උරුම කර දෙන තෙක්, ආදරය කුමක්දැයි  ,සැබෑ තෘප්තිය කුමක්දැයි, වෙහෙස වී සෙවූ මරියාට කාලාන්තරයක් පුරාවට ලැබුනේ ඊට වඩා හාත්පසින්ම වෙනස් අත්දැකීම්. ඈ සැබෑ ආලය සොයා මේ යන ගමන'තරතුර එක් නැවතුම් පොලක නතර වෙනවා. ඒ ස්විට්සර්ලන්තයේ ජිනීවා නුවර. ඒත් එහිදී ඈට සිදුවෙන්නේ සිය සිරුර 'කොපකබානා' හි අලෙවි කිරීමට  සහ ඉන් බ්‍රසීලයේ වෙසෙන දෙමාපියන්ට ගොවිපලක් තනා දීම වෙනුවෙන් මුදල් ඉතිරි කිරීමට.

මරීයා සිය කුඩා කාලයේ පටන් විවිධාකාර ආකර්ශනයන් වෙත බැඳී ගිය හැටිත් , ඒ හැම අවස්ථාවකම සැබෑ සෙනෙහස ,ආදරය සහ විඳීම සෙවීමේ මෙහෙයුමෙන් පරාජය වූ හැටිත් පවුලෝ කොයියෝ විස්තර කරන්නේ අතිශය සංවේදී සහ සිතුවිලි බද්ධවූ ශෛලියක් උපයෝගී කරගනිමින්. පවුලෝ කොයියෝ මරියාගේ තැන ගනිමින් සිතිවිලි තුල තෙරපෙන දුක , අසහනය , වේදනාව සහ බලාපොරොත්තු කඩ වීම විස්තර කරන්නේ මනෝ විශේෂඥයකුටත් වඩා දක්ෂ ලෙසින්. පොත පුරාවටම හැම අකුරක් පුරාම දිවෙන සිතුවිලි වල අරුම දකින්නට යෙදෙනවා නම් අප අපවම දකින්නා මෙන් ඔබට දැනේවි.

ආදරයෙන් සහ ජීවිතයේ තෘප්තියෙන් බලාපොරොත්තු කඩවන මරියා 'රි යෝ ද ජෑනෙයිරෝ' නගරය බලා යන්නේ තමා කෙරෙහි අනාගත බලාපොරොත්තු තබාගත් පෙම්වතෙකු සහ තමා කෙරෙහි අනාගත සෑලසුම් උදෙසා මුදල් හම්බ කිරීමට සිත දහිරිය කොට ගත් ගැහැණියක ‍රැගෙනයි. සම්බා නැටුම් ශිල්පිණියක ලෙස ඉතා කෙටි කලක් ගත කරන මරියා, තමා මෙහි ආ අරමුණ ඉන් ඉටු නොවන බව වටහා ගෙන ඉන් මිදී යන්නේ , තමා සමග යහන් ගත වීමට ෆ්‍රෑන්ක් 1000ක් ගෙවන්නට එකඟ වන මිනිසෙකු සමගයි. එතෑනින් ඇරඹෙන මරියාගේ අමුතු ජීවිතය ස්වකීය ගනුදෙනුකරුවන් අතරේ කුමක්දෝ සොයන්නට පොලඹවනවා... ඈ ජීවිතයේ හැමදාම සෙවූ දෙයක්. ඈ ජීවිතය පිලිබඳ වැරදි වැටහීමෙන් හෙම්බත් කල දෙයක්. බැඳීමක්... සැබෑ ආදරයක්... ඈ දිනපතා අත්දකින ලිංගිකත්වය... එයට වෙන්වන යාන්ත්‍රික 'මිනිත්තු එකොළහ' -  ආදරයේ  බරපතල සාධකයක්ද නැද්ද යන වග...

ඈ හොයනවා. ඇගේ සාමාන්‍ය හෝ විශේෂ ගනුදෙනුකරුවන් අතරේ.... ඈ ඈවම හොයනවා ... ඈ නිකම්ම නිකම් ගණිකාවක් නොවී ඈ 'ආදරය සොයන' ගණිකාවක් බව වටහාගන්නට හැකිවන්නේ , ආදරයෙන් විවාහයෙන් සහ ජීවිතයෙන් හෙම්බත් වූ සුප්‍රකට 29 වියැති සිත්තරෙකු වූ රැලෆ්ටදැයි මරියා සොයනවා. ඈගේ හදවතේ ආදරය සහ 'ජීවිතය' සොයන කවුලු එක එක තමන්ම වසා ගනිද්දී ඈගේ කෑගසා නොකිය හැකි හදවත ඈ අකුරු කරනවා දිනපොතක.

ඉතින් මරියාගේ රුව සිතුවමට නගන පරසිඳු සිත්තරා- රැල්ෆ්ට, හෝ ටෙරන්ස්ට මරියා සොයා යන ලෝකය අහිමි කරන්නට හෝ සොයා දෙන්නට හැකිවේවිදැයි  සොයා බලන්නට ඔබට මේ පොත කියවන්නටම සිදුවෙනවා.

සියල්ලට ගත වෙන්නේ 'මිනිත්තු එකළහක්'! . නිකම්ම නිකම් ඔහේ අනෙකෙකුගේ යටතට වැටී ජීවිතයේ කටුකත්වය විඳින මිනිත්තු එකොලහක්! එපමණද මේ ජීවිතේ? මිනිත්තු එකොළහෙන් ජීවිතයේ සියලු තෘප්තිය තීරණය වේද?

පෘතුගීසී භාෂාවෙන් පාවුලෝ කොයියෝ විසින් ලියවුනු
Onze Minutos නම් මේ කෘතිය සිංහලට පරිවර්තනය කලේ රුවිනි තල්පාවිල විසින්... විදර්ශනා ප්‍රකාශනයක් ලෙස එලි දු‍ටු , මිල රුපියල් 420ක් වූ මේ පොතට ඔබට නිසැකවම අමිල වටිනාකමක් දිය හැකියි. .  විවිධාකාර ලේඛකයන් අතින් භාෂාවන් 40කට වඩා පරිවර්තනය වූ , මිනිස් චිත්තාභ්‍යන්තරයේ තෙරපෙන සදාතනික නොසැනසීම පිලිබඳව අතිශය සංවේදී ඇසකින් ලියවුනු දුලබ ගණයේ කතාවක් මේ....

10 ප්‍රතිචාර:

Jay said...

මමත් කියවාපු අපූරු පොතක්..
:)

kumaraya said...

මට නම් තවම කියවන්න හම්බ වුනේ නෑ .. හොයාගෙන බලන්න ඕන.
මමත් දැන් පොතක් ගැන ලියමිනුයි ඉන්නෙ. ඒකෙ නම් හැබැයි ඉන්නෙ මරියා කෙනෙක් නෙවෙයි .. මරීනා කෙනෙක්. ටිකක් සමානයි වගේ නේද ..?
නමුත් කතාව නම් වෙනස්. හැබැයි ඇත්තටම මේ ලෝකෙ සිද්ධ වෙච්ච කතාවක්.
කියවලා බලන්න.

Angel said...

මම මේ පොත කියවල තියෙනවා. හරිම ලස්සනයි. ජීවිතේ ගැන තව පාරක් හිතන්න මේ පොතෙන් උගන්නනවා කියලයි මට හිතෙන්නේ......

ayesha said...

math kiyewwa. apuru pothak thama ekath

Anonymous said...

පහු ගිය colombo bookfair එකෙන් මං ගත්ත එක පොතක් මේ.. නිතරම තියෙන සමාජයේ වරදින් එතැනට වැටෙන යුවතියකගේ කතාවට වඩා වෙනස් විදියට ලියැවුණු හිත ඇද බැද ගන්නා ලස්සන කතාවක්

YashoK said...

මමත් රසවිඳපු පොතක්......

thilini shalwyn (සිත්තරී) said...
This comment has been removed by the author.
thilini shalwyn (සිත්තරී) said...

මමත් කියෙව්වා............
සිතිවිලි අතින් ඈ මට සමානයි
කියවන් යද්දි සිය දහස්වර හිතුණ ඈ මමමද කියලා......
ඇසට කදුළු නංවපු පොතක්.............

සුළග නොනිම් සත්සරය said...

මම නම් දැන් නැ මේ පොත ගැන

Unknown said...

ලස්සන පොතක්.. සමහර දේවල් ගැන ආයේ අලුතින් හිතන්න ඕන කියලා හිතුනා.. ආදරය සහ ගැහැණු ගැන.

Post a Comment